Samskifti á Vanganum

Við Vanganum savnar tú alt títt samskifti við almennar stovnar og kommunur á einum stað. Tað ger tað einfalt, trygt og lætt at halda skil á brøvum, boðum, áminningum og freistum. 

Tænastuveitarar kunnu samskifta við teg á ymsan hátt:

• Mínboks er almenna talgilda postskipanin í Føroyum og er síðustillað við vanligan pappírspost. Mínboks lýkur krøv um trygt talgilt samskifti. Allur postur er bronglaður og knýttur beinleiðis til P-talið , so vissa er fyri, at tú er rættur móttakari á samskiftinum.
• Kalendarin savnar áminningar, innkallingar og freistir. Skjøl, sum skulu undirskrivast, síggjast eisini her.
• Snarboð eru stutt boð, ið verða send beinleiðis á appina. Tey eru oftast kunnandi og krevja ikki, at tú skalt svara ella gera nakað.

Í samskiftisupplýsingum á Vanganum kanst tú dagføra tínar samskiftisupplýsingar sum telefon og teldupost. Tú kanst eisini velja, hvussu tænastuveitarar kunnu seta seg í samband við teg.