Akstovan

Er nummarspjaldur burturmist ella skatt og tí ólesandi ella ónýtiligt av øðrum orsøkum, skal akfarsskráin hava boð um tað alt fyri eitt.
 

Tá akfar skiftir eigara, skal váttan um eigaraskifti altíð latast Akstovuni. 

Keyparin má minnast til at kanna, at eingin pantur er í akfarinum, og at akfarið ikki er í vegskattaeftirstøðu.

Her ber til at fráboða eitt akfar sum tú eigur/hevur átt. Til ber eisini at senda rætting um eitt nú tíðarskeiðið ein hevur átta akfarið er skeivt, ella um akfarið er skrásett við skeivum liti.

Í hesari sjálvgreiðslu kanst tú geva eitt tíðaravmarkað loyvi til annan persón at avgreiða tíni viðurskifti við Akstovuna. Fulltrúin fevnir um eitt ella fleiri av hesum viðurskiftum: 

• Útflýggjan av frámeldingarskjali til akfar við nummarplátu
• Útflýggjan av skrásetingarskjali til akfar við nummarplátu
• Heimild at undirskriva váttan um eigaraskifti akfar við nummarplátu
• Heimild at undirskriva fráboðan til sýn í samband við skráseting av nýggjum akfari við nummarplátu
• Heimild at undirskriva umsókn um ynskinummarspjøldur / avmarkað ynskinummarspjøldur

Tú kanst eisini altíð strika eina fulltrú, sum tú hevur givið. Tað gert tú eisini hesari sjálvgreiðslu.

Tá ið eigari og brúkari av akfari ikki eru ein og sami persónur ber til at skráseta ein brúkara á akfarið.

Persónar ella feløg v.m., ið flyta út føroyskt skrásett motorakfar, sum ynskja at fáa afturrindað virðisavgjald og burturbeiningargjald, skulu lata Akstovuni umsókn saman við upplýsingum um motorakfarið.

Í hesari sjálvgreiðslu kanst tú søkja um at fáa ynskinummarspjaldur ella avmarkað ynskinummarspjaldur til títt akfar. 

Lýkur tú treytirnar at fáa rættin til at nýta ynskinummarspjøldur, ger og útflýggjar akfarsskráin nummarspjøldrini til tín. Útflýggjan av ynskinummarspjøldrum er treytað av, at tað akfarið, sum ætlanin er at seta ynskinummarspjøldrini á, verður fráboðað til skrásetingar. Akstovan ger av um samansetingin, ynski er um, kann gangast á møti.