Bústaður og bygging
Í hesi sjálvgreiðslu ber til at boða frá um tú skalt yvirtaka eina innlegging ella siga eina innlegging frá tær.
Í fyrstu atløgu er neyðugt at hava eitt kundanummar hjá Sev fyri at boða frá flyting á Vanganum. Nýggir kundar skulu boða frá flyting á heimasíðuni hjá Sev undir Boða frá flyting.
Tá tú flytur út, er umráðandi, at tú boðar Sev frá, soleiðis at tú ikki rindar fyri streymnýtsluna hjá teimum, ið flyta inn aftaná teg. Verður ongum boðað frá, hevur tann, ið flytur út, skyldu at gjalda fyri streymnýtsluna, til boðað er frá hesum. Tann, ið flytur inn, kann eisini boða frá flyting.
Hevur tú tørv á skjalprógvi fyri, at tú ert skrásett/ur á tínum verandi bústaði, kanst tú fáa eina bústaðarváttan. Tú kanst taka hana niður ella biðja um eitt frumrit, sum verður sent til tín við vanligum posti.
Kanna og broyt tínar raðfestingar, alt eftir stødd á íbúð og hvar í landinum tú vilt búgva. Á henda hátt tryggjar tú tær ein dagførdan bíðilista.
Hevur tú tørv á skjalprógvi fyri teimum bústøðum, tú hevur verið skrásett/ur á, kanst tú fáa eitt bústaðayvirlit. Tú kanst taka tað niður ella biðja um eitt frumrit, sum verður sent til tín við vanligum posti.
Prísurin fyri grundstykkir verður ásettur fyri hvørja útstykking sær.
Grundstykkini á Grótbrúgv eru byggibúgvin og íroknað prísin er gjald fyri íbinding í vatn og kloakk.
Hevur tú tørv á bústaðartilboði, skalt tú vera søkjandi limur. Vilt tú einki bústaðartilboð hava í verandi løtu, skalt tú skráseta teg sum hvílandi lim.
Í hesi sjálvavgreiðslu kanst tú bíleggja útskrift av máliblaði fyri ein ávísan eigindóm. Eitt máliblað er eitt útgreinað kort, sum vísir longdir, hvørji marknamerki eru sett, hvat er vinkulrætt o.s.fr.
Áðrenn tú bíleggur máliblað, skalt tú vita adressuna ella matrikulnummarið á viðkomandi eigindómi.
Í hesi sjálvavgreiðslu kanst tú søkja um marknaseting. Við marknaseting verður markið millum tveir ella fleiri eigindómar sett.
Umsóknin verður avgreidd eftir §§ 29-35 í løgtingslóg nr. 64 frá 11. desember 1962 um matrikulering og sundurbýti v.m. Fyri marknaseting verður rindað eitt grundgjald á 5.000 kr. í samband við umsókn.
Tann, ið ynskir, kann fáa markið móti grannaogn staðfest og merkt.
Rættindi til marknaseting kunnu bólkast í tveir bólkar:
1. Tá mørk eru burtur, og eigararnir ynskja at fáa tey sett av nýggjum
ella
2. Um markini eru ivasom, ella partarnir eru ósamdir um, hvar markini eiga at ganga
Hevur tú ynski um at broyta tína ogn, verður hetta gjørt eftir reglunum í ll 64 frá 11. desember 1962 um matrikulering og sundurbýti v.m., sum seinast broytt við løgtingslóg nr. 31 frá 17. mars 2022.
Ynskir tú at sundurbýta tína ogn, skalt tú søkja um sundurbýti. Hetta er somuleiðis galdandi fyri sundurbýti í eigaraíbúðir.
Ynskir tú at flyta ein part av tínari ogn til annan ogn, skal tú søkja um marknaumskipan. Um so er at virðið á ognini, sum verður flutt, er yvir 50.000 kr. skal søkjast um sundurbýti til samanlegging.
Ynskir tú at leggja ognir við sama eigara saman, skal tú søkja um samanlegging.
Málsviðgeratíðin er vanlig 6-12 mánaðir.
Rentustuðul til bústaðarlán er peningaligur stuðul, sum samfelagið letur húsaeigarum til at gjalda rentur av lánum, sum teir taka í sambandi við bústað sín.
Gev gætur, at tað er fyrsti lántakari sum skal søkja um rentustuðul og skal hann skráseta samánaran í umsóknini. Sum samánari verður tú tískil eisini biðin um at skriva undir við samleikanum.
Umhugsar tú at skipa fyri stórum tiltaki á kommunalum øki, sum savnar eina stóra fjøld av fólki, til dømis ein festival, uttandura konsert ella súkklukapping, skalt tú søkja kommununa og løgregluna um loyvi. Tað er av stórum týdningi, at tú byrjar samskiftið við kommununa og løgregluna í góðari tíð, tí báðir myndugleikar mugu hava tíð at kanna viðurskiftini og viðgera tína umsókn.
Tín umsókn skal latast inn í seinasta lagi 14 vikur, áðrenn tiltakið eftir ætlan skal vera.
Meira kunning á torshavn.fo
Eigur tú privatan veg í Tórshavnar kommunu, kanst tú søkja um, at kommunan skal yvirtaka vegin og harvið umsitingina.
Grundeigarar, ið eiga privatan veg ella partar av vegi, hava skyldu til at halda vegin reinan sambært politiviðtøkuni fyri Tórshavnar kommunu.