Heilsa og umsorgan
Í Tórshavnar kommunu eru tilsamans átta eldrabústovnar. Talan er um røktarheim, ellisheim og eldrasambýli. Búplássini eru skipað eftir tørvi. Tað vil siga, at vit hava trý sløg av búplássum í Tórshavnar kommunu:
• Búpláss til borgarar við ellisbrekum og røktartørvi
• Búpláss til borgarar við ellisbrekum og størri røktartørvi
• Búpláss til borgarar við demenssjúku
Tú kanst fáa tillutað búpláss, um tú ert fólkapensjónistur við tørvi á hjálp ella røkt alt samdøgrið. Í serligum føri kunnu búpláss eisini latast øðrum borgarum, sum ikki eru fólkapensjónistar, eitt nú borgarum, ið hava demenssjúku
Fyrsta rætt til upptøku hava borgarar við størsta tørvinum á røkt ella hjálp. Tillutanin av búplássum er tengd at plássunum, sum eru tøk. Tað ber ikki til at seta fram ynski um at koma á eitt ávíst heim at búgva.
Fýra skipaði tilboð eru til fólkapensjónistar, sum ikki hava møguleika at luttaka í teimum tilboðum, sum Heilsu- og umsorganartænastan annars bjóðar eldri borgarum t.d. Tilhaldið.
Tilboðið í Stjørnulon og Tjarnarlon er til fólkpenjónistar, ið eru útgreinað fyri demenssjúku.
Virkis- og venjingarstovurnar eru til fólkpensjónistar, ið fatanarliga, sálarliga og sosialt eru før fyri at taka virknan lut í tilboðnum.
Dag- og kvøldtilboð er eitt tørvsmett tilboð, og tí má søkjast um tilboðið.
Les meira um dag- og kvøldtilboð
Ergo og fysioterapi er ein tørvsmett tænasta, og ert tú fólkapensjónistur í Tórshavnar kommunu kanst tú søkja.
Saman við tær gera vit eina fakliga meting, ið avgerð hvat ergo- og/ella fysioterapeutiskt tilboð er best egna til tín. Um tú hevur eitt ávíst ynski til tilboð, kanst tú viðmerkja tað í umsóknini. Tað er tann fakliga metingin, ið avgerð hvat tilboð tú fært játtað.
Les meira um ergoterapi og fysioterapi
Málið við FarGen-verkætlanini er at savna lívfrøðiligt tilfar frá føroyingum og fáa kanningar í lag, sum kunnu menna møguleikarnar fyri sjúkufyribyrging og -viðgerð. FarGen savnar bakgrunds-, genom- og heilsudátur í einum dátugrunni, sum er ætlaður gransking í føroyskum ílegum. Bakgrundsdáturnar verða heintaðar úr spurnablaðnum, sum tú kanst svara her á síðuni.
FarGen 2 fór í gongd í apríl 2022. Allir føroyingar, sum eru 18 ár ella eldri, kunnu luttaka - eisini um tú vart partur av FarGen 1 (2016-2018). Les meira á www.fargen.fo
Mannagongd fyri luttøku:
- Les kunningartilfarið um FarGen 2 (sí niðanfyri).
- Fyll út FarGen-spurnablaðið her á síðuni (sí niðanfyri).
- Bílegg tíð til blóðtøku og kanningar á www.fargen.fo
- Møt til blóðtøku o.a. og skriva undir samtykkisskjalið.
Í hesi sjálvgreiðslu kanst tú søkja um at fáa, geva og strika fulltrú. Fulltrúin fevnir um:
- At síggja heilivágsupplýsingar
- Útflýggjan av heilivági
- Broyting av leveringsadressu
- Endurnýggjan av reseptum*
- Bíleggja heilsukanning*
- Tilmelding til skamtan *
- At síggja kalendarahendingar frá Apotekinum*
*Hesar tænastur eru ikki tøkar á Vanganum í dag, men eru í menning og verða fevndar av fulltrúini, tá tær verða tøkar.
Í hesi sjálvgreiðslu kanst tú søkja um at fáa, geva og strika fulltrú til Mínboks
Hendan fulltrú gevur heimild til at umsita Mínboks vegna annan persón. Hetta merkir, at fulltrúin fær atgongd til allar hentleikar í Mínboks hjá fulltrúveitaranum, undir hesum at lesa, svara og strika brøv.
Hendan fulltrú er óavmarkað í tíð og er galdandi inntil hon verður strikað.
Mínboks inniheldur brøv, ið eru persónlig og kunnu innihalda trúnaðar upplýsingar.
Hendan fulltrú er ætlað til persónar við einari privatari relatión og er ikki ætlað at verða nýtt í starvshøpi, t.d. millum starvsfólk og viðskiftafólk, kunda, búfólk, klient o.l.
Heimabúgvandi fólkapensjónistar, ið hava tørv á stutttíðarplássi hava møguleika at søkja. Stutttíðarpláss verða veitt á Urd og Demensdeplinum á Tjarnagarði.
Endamálið við uppihaldinum kann vera ymiskt, og kann fevna um rehabilitering, endurvenjing, tørvsmetan, umlætting og palliatión.
Her kanst tú biðja um at heilivágur o.a., sum er útskrivað til tín, verður koyrt heim til tín av Posta, verður avheintað á apotekinum ella avheintað í pakkaboks.
Í sjálvgreiðsluni sært tú yvirlit yvir heilivág o.a., sum er útskrivað til tín.
Tú kanst velja, um tú vilt hava allan heilivágin í einum ella ikki.