Vangin   /   Føroyskt   /   Tænastur

Hjálp í gerandisdegnum

Ansing av eldri og óhjálpnum heima
Umsókn um at ansa eldri og óhjálpnum heima

Tú kanst søkja um samsýning at ansa einum eldri og óhjálpnum borgara heima við hús. Samsýningin hevur sum endamál at tryggja, at óhjálpni borgarin kann fáa støðuga røkt og hjáveru í heiminum heldur enn at fara á røktarheim.

Les meir um ansingartilboðið

Far til sjálvgreiðslu
Dag- og kvøldtilboð
Umsókn um dag- og kvøldtilboð

Fýra skipaði tilboð eru til fólkapensjónistar, sum ikki hava møguleika at luttaka í teimum tilboðum, sum Heilsu- og umsorganartænastan annars bjóðar eldri borgarum t.d. Tilhaldið.

Tilboðið í Stjørnulon og Tjarnarlon er til fólkpenjónistar, ið eru útgreinað fyri demenssjúku.

Virkis- og venjingarstovurnar eru til fólkpensjónistar, ið fatanarliga, sálarliga og sosialt eru før fyri at taka virknan lut í tilboðnum. 
 
Dag- og kvøldtilboð er eitt tørvsmett tilboð, og tí má søkjast um tilboðið.

Les meira um dag- og kvøldtilboð

Far til sjálvgreiðslu
Fulltrú
Umsókn um fulltrú

Í hesi sjálvgreiðslu kanst tú søkja um at fáa, geva og strika fulltrú. Fulltrúin fevnir um: 

  • At síggja heilivágsupplýsingar
  • Útflýggjan av heilivági 
  • Broyting av leveringsadressu
  • Endurnýggjan av reseptum*
  • Bíleggja heilsukanning*
  • Tilmelding til skamtan *
  • At síggja kalendarahendingar frá Apotekinum*

*Hesar tænastur eru ikki tøkar á Vanganum í dag, men eru í menning og verða fevndar av fulltrúini, tá tær verða tøkar. 

Far til sjálvgreiðslu
Fulltrú
Fulltrú

Í hesari sjálvgreiðslu kanst tú geva eitt tíðaravmarkað loyvi til annan persón at avgreiða tíni viðurskifti við Akstovuna. Fulltrúin fevnir um eitt ella fleiri av hesum viðurskiftum: 

  • Útflýggjan av frámeldingarskjali til akfar við nummarplátu
  • Útflýggjan av skrásetingarskjali til akfar við nummarplátu
  • Heimild at undirskriva váttan um eigaraskifti akfar við nummarplátu
  • Heimild at undirskriva fráboðan til sýn í samband við skráseting av nýggjum akfari við nummarplátu
  • Heimild at undirskriva umsókn um ynskinummarspjøldur / avmarkað ynskinummarspjøldur

Tú kanst eisini altíð strika eina fulltrú, sum tú hevur givið. Tað gert tú eisini hesari sjálvgreiðslu.

Far til sjálvgreiðslu
Fulltrú til Mínboks
Umsókn um fulltrú til Mínboks

Í hesi sjálvgreiðslu kanst tú søkja um at fáa, geva og strika fulltrú til Mínboks

Hendan fulltrú gevur heimild til at umsita Mínboks vegna annan persón. Hetta merkir, at fulltrúin fær atgongd til allar hentleikar í Mínboks hjá fulltrúveitaranum, undir hesum at lesa, svara og strika brøv.

Hendan fulltrú er óavmarkað í tíð og er galdandi inntil hon verður strikað.

Mínboks inniheldur brøv, ið eru persónlig og kunnu innihalda trúnaðar upplýsingar.

Hendan fulltrú er ætlað til persónar við einari privatari relatión og er ikki ætlað at verða nýtt í starvshøpi, t.d. millum starvsfólk og viðskiftafólk, kunda, búfólk, klient o.l.

Far til sjálvgreiðslu
Mattænasta
Umsókn um mattænastu

Mattænastan hjá Tórshavnar kommunu er fyrst og fremst ætlað heimabúgvandi fólkapensjónistum, ið ikki megna at gera døgurða sjálvi. Í serligum føri kann tænastan veitast borgarum undir 67 ár, sum búgva heima.

Les meira um mattænastu

Far til sjálvgreiðslu
Serflutningur
Umsókn um serflutning til rørslutarnað

Ert tú rørslutarnað og nýtir koyristól, hevur tú møguleika at heita á serliga bussin til rørslutarnað hjá Tórshavnar kommunu.

Tú skalt góðkennast sum brúkari, áðrenn tú kanst nýta serflutningstænastuna. 
Skipnanin fevnir ikki um sjúkraflutning.

Les meira um fluting til rørslutarnað

Far til sjálvgreiðslu
Útflýggjan av heilivági
Útflýggjan av heilivági

Her kanst tú biðja um at heilivágur o.a., sum er útskrivað til tín, verður koyrt heim til tín av Posta, verður avheintað á apotekinum ella avheintað í pakkaboks.

Í sjálvgreiðsluni sært tú yvirlit yvir heilivág o.a., sum er útskrivað til tín.

Tú kanst velja, um tú vilt hava allan heilivágin í einum ella ikki.

Far til sjálvgreiðslu