Klaksvíkar kommuna

Ert tú stødd/staddur uttanfyri Føroyar í lestrarørindum, hevur tú valrætt, um so er, at tú hevur búð í Føroyum og verið skrásett/ur í fólkayvirlitinum í minsta lagi 5 ár tilsamans. Tú skalt ikki hava havt tilhald uttanfyri Føroyar í meira enn 8 ár. Fyri at sleppa at velja, skalt tú søkja um upptøku á veljaralistan í tí kommunu, har tú seinast vart skrásett/ur.

Søk í góðari tíð. Tann 5. mars 2026 er seinasti dagur, Klaksvíkar kommuna kann taka avgerð um upptøku á veljaralistan til løgtingsvalið 2026. Tað vil siga, at tín umsókn má vera Klaksvíkar kommunu í hendi nakað áðrenn afturlatingartíð 5. mars 2026.

Hevur tú tørv á skjalprógvi fyri, at tú ert skrásett/ur á tínum verandi bústaði, kanst tú fáa eina bústaðarváttan. Tú kanst taka hana niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur bústaðarváttanir.

Hevur tú tørv á skjalprógvi fyri teimum bústøðum, tú hevur verið skrásett/ur á, kanst tú fáa eitt bústaðayvirlit. Tú kanst taka tað niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur bústaðaryvirlit.

Áðrenn bygt verður, skal umsókn um byggiloyvi sendast kommununi til góðkenningar. Farast kann ikki undir bygging, fyrr enn byggiloyvi fyriliggur.

Les meira um bygging her

Møguleiki er at søkja um pláss í vøggustovu og barnagarði gjøgnum Vangan.

Fyri at fáa pláss skal í minsta lagi annað av foreldrunum og barnið vera skrásett at búgva í Klaksvíkar kommunu. Tó kunnu foreldur, sum ætla at flyta til Klaksvíkar kommunu, søkja um upptøku 6 mánaðir áðrenn flyting.

Heitt verður á foreldur um at søkja um pláss í góðari tíð fyri at tryggja sær pláss og geva kommununi betri møguleika at nøkta tørvin.

Hevur tú barn í kommunalu ansingarskipanini, kanst tú søkja kommununa um frípláss.

Tað kann veitast fult ella partvíst frípláss, alt eftir inntøku. Frípláss skal søkjast av nýggjum hvørt ár, í seinasta lagi 1. juli. Verður umsóknin latin inn eftir henda dag, verður møgulig játtan galdandi frá 1. í mánaðinum, eftir at umsóknin er móttikin.

Tú hevur skyldu til at boða kommununi frá varandi broytingum í inntøkuviðurskiftunum og øðrum viðurskiftum, ið skerja rættin til fíggjarligt frípláss.

Gjaldið kann javnast afturvirkandi til tað mundið, tá viðurskiftini hjá tær broyttust.

Møguleiki er at søkja um pláss í frítíðarskúla gjøgnum Vangan.

Fyri at fáa pláss skal í minsta lagi annað av foreldrunum og barnið vera skrásett at búgva í Klaksvíkar kommunu. Tó kunnu foreldur, sum ætla at flyta til Klaksvíkar kommunu, søkja um upptøku 6 mánaðir áðrenn flyting.

Endamálið við mentanarstuðlinum er at stuðla verkætlanum, tiltøkum og átøkum, sum ríka og menna mentanarlívið í kommununi.

Mentanarstuðul kann verða latin til verkætlanir, tiltøk og átøk innan mentanarligt virksemi sum t.d. framsýningar, framførslur, konsertir og bóka- og fløguútgávur. Eisini kann stuðul verða latin til fyriskipan av ráðstevnum, seminarum v.m. um mentan og list og til frítíðarvirksemi so sum ítrótt og skótar. 

Skalt tú skjalprógva títt p-tal, kanst tú fáa eina p-tals váttan. Tú kanst taka hana niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur p-tals váttanir. 

Skalt tú skipa fyri tiltaki á kommunalum øki ella vegi, sum savnar eina stóra fjøld av fólki, til dømis ein festival, rennikapping, uttandura konsert ella súkklukapping, skalt tú søkja kommununa um loyvi.