Kunoyar kommuna

Ert tú stadd/ur uttanfyri Føroyar í lestrarørindum, hevur tú valrætt, um so er, at tú hevur búð í Føroyum og verið skrásett í fólkayvirlitinum í minsta lagi 5 ár tilsamans. Tú skalt ikki hava havt tilhald uttanfyri Føroyar í meira enn 8 ár. Fyri at sleppa at velja, skalt tú søkja um upptøku á veljaralistan í tí kommunu, har tú seinast vart skrásett. 

Søk í góðari tíð. Tann 5. mars 2026 er seinasti dagur, Kunoyar kommuna kann taka avgerð um upptøku á veljaralistan til løgtingsvalið 2026. Tað vil siga, at tín umsókn má vera Kunoyar kommunu í hendi nakað áðrenn afturlatingartíð 5. mars 2026. Afturlatingartíðin er klokkan 16.

Ætlar tú tær at brenna bál, skalt tú vera greið/ur yvir, at størri bál, sum til dømis nýggjársbál, krevur góðkenning. Til smærri bál krevst eingin góðkenning, tá endamálið er matgerð ella annar útihugni.

Hevur tú tørv á skjalprógvi fyri, at tú ert skrásett/ur á tínum verandi bústaði, kanst tú fáa eina bústaðarváttan. Tú kanst taka hana niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur bústaðarváttanir.

Hevur tú tørv á skjalprógvi fyri teimum bústøðum, tú hevur verið skrásett/ur á, kanst tú fáa eitt bústaðayvirlit. Tú kanst taka tað niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur bústaðaryvirlit.

Hetta er sjálvgreiðsla at søkja um byggloyvi í Kunoyar kommunu

Áðrenn bygt verður, skal umsókn um byggiloyvi sendast kommununi til góðkenningar. Farast kann ikki undir bygging fyrr enn byggiloyvi fyriliggur.

Í hesi sjálvgreiðsluni kanst tú boða frá hesum flytingum: 

• Innanhýsis í Kunoyar kommunu 

• Til Kunoyar kommunu úr aðrari føroyskari kommunu 

• Úr Kunoyar kommunu og til útlond, tó ikki tá tú flytur til Danmark, Grønland, Noreg, Svøríki, Finnland ella Ísland. 

Ynskir tú ikki longur at vera skrásettur til at fáa heimapartar til títt húski, so kanst tú søkja um tað her. Tú søkir um at koma av listanum, við at fylla hesa umsóknina út og senda hana til okkum. Tað krevur, at tú letur okkum navn, føðingardag, bústað og teldupost. 

Í hesi sjálvavgreiðslu kanst tú bíleggja útskrift av máliblaði fyri ein ávísan eigindóm. Eitt máliblað er eitt útgreinað kort, sum vísir longdir, hvørji marknamerki eru sett, hvat er vinkulrætt o.s.fr.  Máliblaðið verður veitt av Umhvørvisstovuni.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur Máliblað.

Í hesi sjálvavgreiðslu kanst tú søkja um marknaseting. Við marknaseting verður markið millum tveir ella fleiri eigindómar sett. Tænastan verður veitt av Umhvørvisstovuni.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur Marknaseting.

Í hesi sjálvavgreiðslu kanst tú søkja um matrikulbroytingar. Hevur tú ynski um at broyta tína ogn, verður hetta gjørt eftir reglunum í ll 64 frá 11. desember 1962 um matrikulering og sundurbýti v.m., sum seinast broytt við løgtingslóg nr. 31 frá 17. mars 2022. Tænastan verður veitt av Umhvørvisstovuni.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur Matrikulbroytingar.

Kunoyar kommuna setur á hvørjum ári pening av til ítróttar- og mentanarstuðul.

Stuðulin er ætlaður at stuðla mentanar- og ítróttarligum tiltøkum og verkætlanum.

Kunoyar kommuna viðgerð stuðulsumsóknir á  kommunustýrisfundum, sum eru einaferð um mánað.

Umsóknin skal vera okkum okkum í hendi í seinasta lagi 14 dagar fyri fundin, fyri at koma á skrá.

Skalt tú skjalprógva títt p-tal, kanst tú fáa eina p-tals váttan. Tú kanst taka hana niður ella biðja um eitt frumrit, sum verður sent til tín við vanligum posti.

Trýst á Far til Umhvørvisstovuna og tú verður beind/ur til Umhvørvisstovuna, ið umsitur p-tals váttanir. 

Skalt tú skipa fyri tiltaki, sum savnar eina stóra fjøld av fólki, til dømis ein festival, uttandura konsert ella súkklukapping, skalt tú søkja kommununa um loyvi.