Nes kommuna
Týsdag: 10.00–15.00 Mikudag: 10.00–12.00 Hósdag: 10.00–15.00 Fríggjadag: 10.00–15.00 Vakttelefon (svarar alt samdøgrið): +298 448144
Her kanst tú søkja um byggloyvi í Nes kommunu
Áðrenn bygt verður, skal umsókn um byggiloyvi sendast kommununi til góðkenningar. Farast kann ikki undir bygging fyrr enn byggiloyvi fyriliggur.
Tá tú søkir um byggiloyvi, er tað umráðandi, at fólk við neyðugum førleika gera tekningar og útrokningar. Tað eru arkitekar, byggifrøðingar, verkfrøðingar ella onnur, sum byggivaldið metir hevur nóg holla vitan og kunnleika.
Møguleiki er at søkja um pláss í Vøggustovuni/Barnagarðinum á Svangaskarði og í Samspíranum/Frítíðarskúlanum á Brekkukletti, gjøgnum Vangan.
Fyri at fáa pláss, skal í minsta lagi annað av foreldrunum og barnið vera skrásett at búgva í Nes kommunu. Tó kunnu foreldur, sum ætla at flyta til Nes kommunu, søkja um upptøku.
Skriva barnið upp til ansing so tíðliga sum gjørligt, tí umsóknardagurin er týðandi fyri, nær barnið kann fáa bjóðað pláss.
Í hesi sjálvgreiðsluni kanst tú boða frá hesum flytingum:
Innanhýsis í Nes kommunu
Til Nes kommunu úr aðrari føroyskari kommunu
Úr Nes kommunu og til útlond, tó ikki tá tú flytur til Danmark, Grønland, Noreg, Svøríki, Finnland ella Ísland.
Hevur tú barn í kommunalu ansingarskipanini, kanst tú søkja kommununa um frípláss.
Tað kann veitast fult ella partvíst frípláss, alt eftir inntøku. Frípláss skal søkjast av nýggjum hvørt ár, í seinasta lagi 1. juli. Verður umsóknin latin inn eftir henda dag, verður møgulig játtan galdandi frá 1. í mánaðinum, eftir at umsóknin er móttikin.
Tú hevur skyldu til at boða kommununi frá varandi broytingum í inntøkuviðurskiftunum og øðrum viðurskiftum, ið skerja rættin til fíggjarligt frípláss.
Gjaldið kann javnast afturvirkandi til tað mundið, tá viðurskiftini hjá tær broyttust.
Ynskir tú ikki longur at vera skrásettur til at fáa heimapartar til títt húski, so kanst tú boða frá við at fylla hesa umsóknina út og senda hana til okkum. Tað krevur, at tú letur okkum navn, føðingardag, bústað og teldupost.
Nes kommuna setur á hvørjum ári pening av til ítróttar- og mentanarstuðul.
Stuðulin er ætlaður at stuðla mentanar- og ítróttarligum tiltøkum og verkætlanum í/úr Nes kommunu.
Skalt tú skipa fyri tiltaki, sum savnar eina stóra fjøld av fólki, til dømis ein festival, uttandura konsert ella súkklukapping, skalt tú søkja kommununa um loyvi.