Skúli og útbúgving
Ferðastudningurin er ætlaður at stuðla føroyingum, ið leita sær til onnur lond í útbúgvingarørindum, í at koma heim til Føroya eftir lokna útbúgvingartíð. Hetta verður gjørt við at stuðla fíggjarliga, soleiðis at tey lesandi og børn teirra hava møguleika at koma heim til Føroya eina ferð um árið.
Her søkir tú um pláss í skúla, tá tit eru flutt ella flyta til Tórshavnar kommunu. Ynskir tú at flyta barnið úr frískúla í kommunalan fólkaskúla, kanst tú eisini leita barninum pláss her.
Ætlar tú tær hinvegin at flyta barnið millum skúlar í Tórshavnar kommunu, skalt tú venda tær beinleiðis til skúlan, sum títt barn gongur í.
Umsóknarfreist til tøk lestrarpláss er 13. august.
Gev gætur. Til ber ikki at søkja tøku lestrarplássini umvegis Vangan. Tú finnur tøk lestrarpláss á fleiri frálíkum útbúgvingum og umsóknarblaðið og nærri kunning á www.setur.fo.
Ert tú lesandi, ið er fylt/ur 18 ár og fær mánaðarliga studningin frá Studna, er møguligt at søkja um lestrarlán.
Sum lesandi í Føroyum kanst tú, ið lýkur treytirnar, søkja um studning frá Studna.
G.G. Mánaðin eftir, at tú ert vorðin 18 ár, verður studningurin útgoldin sjálvvirkandi. Tískil er ikki neyðugt at søkja av nýggjum.
Í hesi sjálvgreiðslu kanst tú søkja um upptøku á miðnáms- og yrkisútbúgvingar í Føroyum. Eisini ber til at søkja inn á Heilsuskúla Føroya í Suðuroy.
Eru ivaspurningar, set teg í samband við skúlan, har tú ynskir at søkja.
Gev gætur: allar fílur, sum verða viðfestar skulu vera pdf, word ella sum mynd (jpg, jpeg, png).
Rentustuðul til lestrarlán er peningaligur stuðul, sum samfelagið letur lesandi til at gjalda rentur av lánum, sum tey taka í sambandi við lesnað sín.
Sjófólk, sum mynstra umborð á føroyskum skipi, skulu hava siglingarbók.
Fyri at fáa siglingarbók skal umsøkjari verða fyltur 16 ár. Hjá persónum undir 18 ár, skulu tey, ið hava foreldramyndugleika, skriva undir. Um tvey foreldur hava foreldramyndugleikan, skulu bæði skrivað undir.
Passmynd ikki eldri enn 2 ár og avrit av passi skal leggjast við umsóknini. Gev gætur, at myndin skal hava einlitta bakgrund og annars fylgja passreglunum hjá Rigspolitiet.
Í hesari sjálvgreiðslu kanst tú søkja um at fáa útflyggjað vinnubræv sum kavari. Gev gætur, at tú skalt viðfesta útbúgvingarprógv, heilsuváttan frá lækna og útbúgvingarskeið í fyrstuhjálp. Harumframt skalt tú gjalda eina upphædd fyri vinnubrævið.
Vinnuligt kavaraarbeiði á landleiðini, á føroyskum sjóøki og frá føroyskum skipum kann bert verða útint av persónum, sum hava vinnukavarabræv.