Vangin   /   Føroyskt   /   Tænastur

Skúvoyar kommuna

Um tørvur er at fáa samband við Skúvoyar kommunu, ring +298 22 62 96 ella skriva teldupost til skuvoy@olivant.fo

Brenna bál
Umsókn um loyvi til at brenna bál

Ætlar tú tær at brenna bál, skalt tú vera greið yvir, at størri bál, sum nýggjársbál og jóansøkubál, krevja góðkenning. Til smærri bál krevst eingin góðkenning, tá endamálið er matgerð ella annar útihugni.

Kortini skalt tú altíð fylgja leiðreglunum fyri bálbrenning. Fyri øll bál, stór sum smá, og øll eldstøð bæði innan- og uttandura, er meginreglan, at bálini mugu ikki elva til ampa. Elvir brenningin til ampa, skal kommunan ella løgreglan geva boð um, at eldurin skal sløkkjast.

Far til sjálvgreiðslu
Byggiloyvi
Byggiloyvi

Hetta er sjálvgreiðsla at søkja um byggloyvi í Skúvoyar kommunu

Áðrenn bygt verður, skal umsókn um byggiloyvi sendast til kommununa.

Tá tú skalt byggja, skal umsókn um byggiloyvi sendast kommununi til góðkenningar. Loyvt er ikki, at farið verður undir bygging fyrr enn byggiloyvi fyriliggur. Tá tú søkir um byggiloyvi er tað umráðandi, at fólk við neyðugum førleika gera tekningar og útrokningar. Hesi eru arkitektar, byggifrøðingar, verkfrøðingar, teknikarar ella onnur, sum byggivaldið heldur hava nóg holla vitan og kunnleika. 

Far til sjálvgreiðslu
Flyta bústað
Flyta bústað

Í hesi sjálvgreiðsluni kanst tú boða frá hesum flytingum: 

  • Innanhýsis í Skúvoyar kommunu 

  • Til Skúvoyar kommunu úr aðrari føroyskari kommunu 

  • Úr Skúvoyar kommunu og til útlond, tó ikki tá tú flytur til Danmark, Grønland, Noreg, Svøríki, Finnland ella Ísland. Flytur tú til eitt hesum londunum, fær Skúvoyar kommuna boð frá nýggju kommununi um, at tú ert flutt/ur. 

Far til sjálvgreiðslu
Tiltak á kommunalum øki
Tiltak á kommunalum øki

Skalt tú skipa fyri tiltaki, sum savnar eina stóra fjøld av fólki, til dømis ein festival, uttandura konsert ella súkklukapping, skalt tú søkja kommununa um loyvi.

Far til sjálvgreiðslu
Um tørvur er at fáa samband við Skúvoyar kommunu, ring +298 22 62 96 ella skriva teldupost til skuvoy@olivant.fo