Tórshavnar Kommuna
Vaglið Postsmoga 32 110 Tórshavn Upplatingar- og telefontíðir: Mán- til hósdag kl. 9-16 Fríggjadag kl. 9-15
Tú kanst søkja um samsýning at ansa einum eldri og óhjálpnum borgara heima við hús. Samsýningin hevur sum endamál at tryggja, at óhjálpni borgarin kann fáa støðuga røkt og hjáveru í heiminum heldur enn at fara á røktarheim.
Í Tórshavnar kommunu eru tilsamans átta eldrabústovnar. Talan er um røktarheim, ellisheim og eldrasambýli. Búplássini eru skipað eftir tørvi. Tað vil siga, at vit hava trý sløg av búplássum í Tórshavnar kommunu:
• Búpláss til borgarar við ellisbrekum og røktartørvi
• Búpláss til borgarar við ellisbrekum og størri røktartørvi
• Búpláss til borgarar við demenssjúku
Tú kanst fáa tillutað búpláss, um tú ert fólkapensjónistur við tørvi á hjálp ella røkt alt samdøgrið. Í serligum føri kunnu búpláss eisini latast øðrum borgarum, sum ikki eru fólkapensjónistar, eitt nú borgarum, ið hava demenssjúku
Fyrsta rætt til upptøku hava borgarar við størsta tørvinum á røkt ella hjálp. Tillutanin av búplássum er tengd at plássunum, sum eru tøk. Tað ber ikki til at seta fram ynski um at koma á eitt ávíst heim at búgva.
Tá tú skalt byggja, skal umsókn um byggiloyvi sendast byggideildini hjá kommununi til góðkenningar. Tú kanst ikki fara undir bygging fyrr enn byggiloyvi fyriliggur. Tá tú søkir um byggiloyvi er tað umráðandi, at fólk við neyðugum førleika gera tekningar og útrokningar. Tað eru arkitektar, byggifrøðingar, verkfrøðingar, teknikarar ella onnur, sum byggivaldið heldur hava nóg holla vitan og kunnleika.
Fýra skipaði tilboð eru til fólkapensjónistar, sum ikki hava møguleika at luttaka í teimum tilboðum, sum Heilsu- og umsorganartænastan annars bjóðar eldri borgarum t.d. Tilhaldið.
Tilboðið í Stjørnulon og Tjarnarlon er til fólkpenjónistar, ið eru útgreinað fyri demenssjúku.
Virkis- og venjingarstovurnar eru til fólkpensjónistar, ið fatanarliga, sálarliga og sosialt eru før fyri at taka virknan lut í tilboðnum.
Dag- og kvøldtilboð er eitt tørvsmett tilboð, og tí má søkjast um tilboðið.
Les meira um dag- og kvøldtilboð
Ergo og fysioterapi er ein tørvsmett tænasta, og ert tú fólkapensjónistur í Tórshavnar kommunu kanst tú søkja.
Saman við tær gera vit eina fakliga meting, ið avgerð hvat ergo- og/ella fysioterapeutiskt tilboð er best egna til tín. Um tú hevur eitt ávíst ynski til tilboð, kanst tú viðmerkja tað í umsóknini. Tað er tann fakliga metingin, ið avgerð hvat tilboð tú fært játtað.
Les meira um ergoterapi og fysioterapi
Á hesi sjálvgreiðsluni kanst tú boða frá hesum flytingum:
- Innanhýsis í Tórshavnar kommunu
- Til Tórshavnar kommunu úr aðrari føroyskari kommunu
- Úr Tórshavnar kommunu og til útlond, tó ikki tá tú flytur til Danmark, Grønland, Noreg, Svøríki, Finnland ella Ísland. Flytur tú til eitt hesum londunum fær Tórshavnar kommuna boð frá nýggju kommununi um, at tú ert fluttur.
Her søkir tú um pláss í skúla, tá tit eru flutt ella flyta til Tórshavnar kommunu. Ynskir tú at flyta barnið úr frískúla í kommunalan fólkaskúla, kanst tú eisini leita barninum pláss her.
Ætlar tú tær hinvegin at flyta barnið millum skúlar í Tórshavnar kommunu, skalt tú venda tær beinleiðis til skúlan, sum títt barn gongur í.
Ert tú foreldur og er tín inntøka lægri enn eina ávísa upphædd um árið, kanst tú søkja um frípláss til dagstovn ella frítíðarskúlapláss, sí inntøkustigan á heimasíðuni hjá Almannaráðnum. Frípláss er eitt fíggjarligt ískoyti frá landinum, sum tú fært til stovnsgjaldið.
Freistin at søkja um fíggjarligt frípláss er 1. juli á hvørjum ári.
Tú skalt bóka tínum barni pláss á einum stovni, áðrenn tú kanst søkja um frípláss.
Ert tú borgari í Tórshavnar kommunu, kanst tú fáa ein part av grindini, hóast tú ikki hevur tikið lut í drápinum. Hetta ber til, tá talið av skinnum er nóg stórt.
Her kanst tú søkja um heimapart til tín og títt húski.
Fyri at reka vinnuligan fólkaflutning við motorakfari skalt tú hava loyvi frá kommununi. Tú kanst søkja um loyvi, tá kommunan lýsir við einum tøkum loyvi. Skalt tú endurnýggja loyvi verður tað eisini gjørt her.
Lesa um treytirnar og umsóknarfreist her
Loyvini verða givin fyri fimm ára tíðarskeið í senn.
Her kanst tú søkja um kommunala sosiala íbúð.
Sosiala nevnd í Tórshavnar kommunu metir um tørvin á umsøkjarnum og tekur avgerð um, hvør fær bjóðað íbúð.
Mattænastan hjá Tórshavnar kommunu er fyrst og fremst ætlað heimabúgvandi fólkapensjónistum, ið ikki megna at gera døgurða sjálvi. Í serligum føri kann tænastan veitast borgarum undir 67 ár, sum búgva heima.
Endamálið við mentanarstuðlinum er at stuðla verkætlanum, tiltøkum og átøkum, sum ríka og menna mentanarlívið í kommununi.
Mentanarstuðul kann verða latin til verkætlanir, tiltøk og átøk innan mentanarligt virksemi sum t.d. framsýningar, framførslur, konsertir og bóka- og fløguútgávur. Eisini kann stuðul verða latin til fyriskipan av ráðstevnum, seminarum v.m. um mentan og list og til frítíðarvirksemi so sum ítrótt og skótar.
Góð ráð áðrenn tú byrjar at útfylla umsóknina.
Fyrireika:
- lýsing av verkætlanini
- tíðarætlan (nær) og stað (hvar)
- málið við verkætlanini, málbólk og málsetning
- hvussu er verkætlanin er í trá við visjónini hjá Tórshavnar kommunu
- fíggjarætlan, útreiðslur og inntøkur
Viðfest skjøl kunnu ikki fylla meira enn 7 MB tilsamas
Tórshavnar Býráð hevur í fíggjarætlanin sett 1.000.000kr av til stuðul til størri listaligar verkætlanir.
Stuðulin er í tráð við visjónina hjá Tórshavnar Kommunu “Okkara Høvuðsstaður – Virkin og Vakin”, og endamálið er at stuðla uppundir dygd og menning innan list og mentan í Tórshavnar kommunu. Visiónin sæst HER
Umsóknarfreistin er mánadagin 8. apríl 2024.
Les meira um mentanarstuðul til størri listarligar verkætlanir
Ætlar tú tær at taka niður hús, størri bilhús, bilskýli ella tílíkar bygningar, skalt tú søkja um loyvi frá kommununi.
Tú skalt fylgja reglunum fyri skiljing av byggiburturkasti og boða móttøkustaðnum frá tríggjar dagar frammanundan, les reglarnar her
Les meira um at taka niður bygning á torshavn.fo
Um tú ert búsitandi innanfyri parkeringsøki í miðbýnum, og ikki hevur møguleika at parkera ella at gera títt egna parkeringspláss á bústaðnum, kanst tú søkja um at fáa eitt parkeringsloyvið.
Ert tú rørslutarnað og nýtir koyristól, hevur tú møguleika at heita á serliga bussin til rørslutarnað hjá Tórshavnar kommunu.
Tú skalt góðkennast sum brúkari, áðrenn tú kanst nýta serflutningstænastuna.
Skipnanin fevnir ikki um sjúkraflutning.
Heimabúgvandi fólkapensjónistar, ið hava tørv á stutttíðarplássi hava møguleika at søkja. Stutttíðarpláss verða veitt á Urd og Demensdeplinum á Tjarnagarði.
Endamálið við uppihaldinum kann vera ymiskt, og kann fevna um rehabilitering, endurvenjing, tørvsmetan, umlætting og palliatión.
Umhugsar tú at skipa fyri stórum tiltaki á kommunalum øki, sum savnar eina stóra fjøld av fólki, til dømis ein festival, uttandura konsert ella súkklukapping, skalt tú søkja kommununa og løgregluna um loyvi. Tað er av stórum týdningi, at tú byrjar samskiftið við kommununa og løgregluna í góðari tíð, tí báðir myndugleikar mugu hava tíð at kanna viðurskiftini og viðgera tína umsókn.
Tín umsókn skal latast inn í seinasta lagi 14 vikur, áðrenn tiltakið eftir ætlan skal vera.
Meira kunning á torshavn.fo
Hevur barn títt ikki føroyskt p-tal, hevur tú møguleika at søkja um eitt sovnevnt TK-tal, sum kann brúkast til skipanina BARN til p-tal er fingið til vega.
Ert tu fylt 18 ár, og ert tú búsitandi í Tórshavnar kommunu, hevur tú møguleika fyri at søkja kommununa um eina trøð ella eitt urtagarðsstykki til at hava kríatúr á.
Tú kanst søkja um annaðhvørt trøð ella urtagarðsstykki. Tú kanst ikki søkja um bæði.
Bæði einstaklingar, virkir, stovnar og feløg kunnu søkja kommununa um umhvørvisstuðul. Treytin fyri at fáa stuðul er, at tú annaðhvørt býrt í Tórshavnar kommunu, ella at verkætlanin gagnar umhvørvinum í kommununi.
Umsóknin skal vera Tórshavnar kommunu í hendi í seinasta lagi 31. mars í stuðulsárinum.
Ert tú í tí støðu aftaná barnsburðarfarloyvi, at tú ikki fært títt barn ansað á dagstovni, og í tí sambandi fært fíggjarligar trupulleikar av ikki at sleppa til arbeiðis, kanst tú venda tær til Almannastovuna fyri at kanna, um tú hevur møguleika fyri at fáa fyribils uppihaldshjálp. Almannastovan krevur í hesum sambandi váttan frá kommununi um, at tað ikki ber til at útvega pláss til ynsktu tíð. Her kanst tú søkja um váttan fyri vantandi barnaansing.
Eigur tú privatan veg í Tórshavnar kommunu, kanst tú søkja um, at kommunan skal yvirtaka vegin og harvið umsitingina.
Grundeigarar, ið eiga privatan veg ella partar av vegi, hava skyldu til at halda vegin reinan sambært politiviðtøkuni fyri Tórshavnar kommunu.