Ofta settir spurningar
Niðanfyri sært tú spurningar, ið kunnu hjálpa tær at brúka Vangan.
Á Vanganum kanst tú samskifta við teir tænastuveitarar, ið eru. Tú hevur atgongd til tínar persónligu dátur. Tú hevur ein kalendara, sum vísir avtalur og freistir frá tænastuveitarunum. Harumframt hevur tú møguleika fyri at senda inn umsóknir av ymiskum slag til tænastuveitarar.
Niðanfyri sært tú, hvussu tú kanst brúka Vangan
Vangin er persónligur, og bara tú hevur atgongd til allar dáturnar. Hetta merkir, at ymisku tænastuveitararnir ikki hava atgongd til dátur hjá hvørjum øðrum, uttan tú gevur samtykki. Dátur verða ikki samkoyrdar á Vanganum.
Dátur, sum verða heintaðar inn á Vangan, eru bronglaðar (krypteraðar) og Vangin er tí sera tryggur.
Tú kanst lesa meira um, hvussu Vangin viðger tínar persónligu dátur á leinkinum niðanfyri:
Mínboks er á Vanganum, og tú sært tín post á forsíðuni, tá tú hevur ritað inn. Tú fært eina fráboðan í ovara høgri horni í Vanganum, tá ið tú fært nýggjan post í Mínboks.
Um tú missir telefonina við Samleikanum burtur, skalt tú beinanvegin ringja til okkum á telefon 1881 og strika Samleikan.
Hetta hevur við sær, at tú missir atgongd til Vangan.
Tú mást hava eina virkna Samleika app fyri at brúka Vangan.
Tá tú hevur fingið nýggja telefonfon, kanst tú bíleggja Samleikan av nýggjum. Tá umsóknin av Samleikanum er góðkend, hevur tú aftur atgongd til Vangan.
Tá tú hevur sent inn umsókn, fært tú eitt avrit av umsóknini í Mínboks sum kvittan. Avritið finnur tú undir 'Kvittanir frá Vanganum.'
Bara tú veitst títt loynital. Hetta merkir, at um tú hevur gloymt títt loynital, mást tú strika Samleikan og bíleggja hann av nýggjum.
Les meira á heimasíðuni samleikin.fo
Hesi virkir og stovnar samskifta umvegis Mínboks
- Akstovan
- ALS
- Atlantic Airways
- BankNordik
- Betri Pensjón
- Betri Banki
- Duty Free (+) FAE
- Elektron
- Føroya Arbeiðarafelag
- Føroya Gjaldstova
- Klaksvíkar kommuna
- Landssjúkrahúsið
- Lív
- Norðoya Bú- og Heimatænasta
- Norðoya Sparikassi
- Studni
- Suðuroyar Sparikassi
- TAKS
- Tórshavnar kommuna
Um tú ikki vilt brúka Mínboks longur, kanst tú seta teg í samband við Talgildu Føroyar um at strika Mínboks.
Les meira í leinkinum niðanfyri:
Um tú brúkar Vanga appina á iPhone skal stýrisskipanin vera í minsta lagi iOS 11.0.
Um tú ikki vilt brúka Vangan longur, kanst tú seta teg í samband við Talgildu Føroyar um at strika hann. Set teg í samband við brúkaratænastuna á telefon 1881 ella send teldupost til 1881@talgildu.fo.